മുല്ല * പറഞ്ഞ കഥ

മനസ്സും മനസ്സാക്ഷിയും,

ആശയും ആശങ്കയും,

വാക്കും വാഗ്വാദവും,

സമരവും സമരസവും,

ജീവനും അതിജീവനവും,

ഇന്നിവിടെ, ഒഴുകിയെത്തുന്നു,

അണ കെട്ടിയിപ്പോള്‍ , 

ആര്‍ക്കോ കാതോക്കുന്നു......!

***************

അണ കെട്ടി അപ്പുറം

മറഞ്ഞ മനുഷ്യരും.

കാലാ കാലങ്ങളില്‍

കരാര്‍ പുതുക്കിയോരും,

കണ്ടുവോ കിനാവിലൊരു

കാലന്റെ വേഷം... ?!

കാലങ്ങള്‍ക്കപ്പുറം

കേരള മണ്ണിനെ

ആകെ നടുക്കുന്നൊരു

പ്രളയത്തിന്‍  രൂപം..!?

*****************

നന്നാകനുള്ളോരു   നല്ലയവസരം

എന്ന് മാത്രമേ കാണുവാനാകുള്ളൂ!

ആരോ പറഞ്ഞതോര്‍ക്കുന്നു

ചിന്തിയ്ക്ക ,  നിങ്ങളന്ത്യത്തെ -എങ്കിലോ

ചന്തമായിടുമാ  ചിന്തയും ചെയ്തിയും..!!

*****************

(*ഇവിടെ  ഉപദേശി എന്നര്‍ത്ഥം )

ചിത്രങ്ങള്‍: കടപ്പാട് ഗൂഗിള്‍

യാത്രാ മൊഴി

യാത്ര ചോദിക്കുവാന്‍ നേരമായ് പോകട്ടെ -ഞാന്‍
മാത്രമായിനി  ദൂരെ..,ഈ നിറമിഴിയുമായ്.....
      പിരിയുവാനായ് അറിഞ്ഞവര്‍ നാം -വിട
      പറയുവാനായ് മാത്രമടുത്തവര്‍
      ഇട നെഞ്ചിലാളി പടരുന്നോരാ തീ -യൊട്ട്
      തടുക്കുവാനാകില്ല നീയറിയുന്നുവോ?
ഞായറീപ്പകലിനെ പ്രണയിച്ചിടുംമ്പോല്‍ -നാമീ
ഞായറാഴ്ചകളൊഴിച്ചിഴ പിരിയാതിരുന്നവര്‍...
      ചിപ്പിയും മുത്തും ചിത്രശലഭങ്ങളും -നിത്യം
      തപ്പിയിറങ്ങിയീ-സ്നേഹ ബന്ധങ്ങളില്‍
      തപ്പുമാ സത്തയു മന്യോന്യം തോളേറ്റി -യന്ന
      ചെപ്പു തുറന്നതുമെന്നുമേ ഒന്നിച്ച്.
എത്ര ശ്രമിച്ചാലും മറക്കുവാനാകുമോ? -നാമി
ന്നത്രമേല്‍ മിത്രങ്ങളായയീ വേളയില്‍....

(വര്ഷങ്ങള്‍ക്ക് മുന്‍പ്, കുറച്ച് നാളത്തെ മാത്രം പരിചയമുള്ള ഒരു കലാലയ ജീവിതത്തില്‍ നിന്നും വിട വാങ്ങി പോയപ്പോള്‍ എഴുതിയത്)

ഓണം ഓര്‍മ്മകളില്‍ !

ഓണമെന്നോര്മ്മകളില്‍ മാത്രം..
നല്ലീണമായ് നിറയുന്ന ചിത്രം..!

എവിടെ തുമ്പപ്പുവിന്നെവിടെ പൂ വൃന്ദ-
മെന്നരുമയെ പൂക്കളം കാട്ടാന്‍ ?

ഉപ്പും തേങ്ങാപ്പിരയും ചായം പിടിപ്പിച്ച്
കടലാസിൻ‍  മേലൊരു ചിത്രക്കസര്‍ത്തോ ?

കാശു നോക്കാതെ മുന്‍കൂറില്‍ വാങ്ങിയ
പൊതിച്ചോറിന്‍ വിഭവ വൈവിധ്യമോ ?

നാടകശാലയില്‍ നാട്ടിലെ താരങ്ങള്‍
ആടിത്തിമിര്‍ക്കുന്ന കച്ചോടതന്ത്രമോ?

ചാനലിന്‍ മുന്നില്‍ നിന്നാളെ ഇളക്കാതെ
ബോധം ബന്ധിക്കുന്ന കണ്‍കെട്ട് തന്ത്രമൊ ?

ഉണ്ണീ.. എന്‍ കണ്ണ് നിറയുന്നു…. ആവില്ലെനി-
ക്കിന്നലെ  കണ്ടൊരാ നല്ലോര്മ്മകള് നല്‍കുവാന്‍.!

നിങ്ങള്‍ എന്ത് നഷ്ടപ്പെടുത്താന്‍ തീരുമാനിച്ചു??

ജീവിതം ഒരു ചൂതാട്ടമാണ്
ചിലതൊക്കെ നഷ്ടപ്പെടുത്തി
ചിലതൊക്കെ നേടുന്ന ഒരു ചൂതാട്ടം...!
എന്തെങ്കിലും നേടണോ?
എന്തെങ്കിലും നഷ്ടപ്പെടുത്തിയേ മതിയാവു....!
സുഖം നേടാന്‍
ദു:ഖം വെച്ച് കളിക്കണം
ദു:ഖം നേടാന്‍ സുഖങ്ങളും..!
വിജയിക്കുവാന്‍ വേണ്ടി
സ്വയം കരുക്കളാക്കി ചൂതാടണം...
അവസരം നഷ്ടപ്പെടുത്തി ചിലര്‍
അഴലിലൂടോടുന്നു
അലസത നഷ്ടപ്പെടുത്തി ചിലര്‍
അറിവ് നേടുന്നു.
സ്വര്‍ഗ്ഗം നഷ്ടപ്പെടുത്താന്‍
ചിലര്‍ നരകം തേടുന്നു.
സമയം കുറ്ച്ചേയുള്ളു..
നിങ്ങള്‍ എന്ത് നഷ്ടപ്പെടുത്താന്‍ തീരുമാനിച്ചു.
അല്ല എന്ത് നേടുവാന്‍ തീരുമാനിച്ചു..?

 

(എന്‍റെ പഴയൊരു ബ്ലോഗില്‍ നിന്നും ഇങ്ങോട്ട് പറിച്ച് നട്ട ഒരു കവിത അല്ല  ജീവിതപാഠം..!)

...ആരെയോ തേടി...

കാത്തിരിപ്പൂ കാതോര്ത്തിരിപ്പൂ-നിന്‍റെ
കാലൊച്ച കേള്‍ക്കുവാന്‍ ഒന്നു കാണാന്‍
പാര്ത്തിരിപ്പൂ മുദം ഓര്ത്തിരിപ്പു-എന്‍റെ
കരളിന്‍റെ കരളിനെ കണ്മണിയെ..

കാളിന്ദി നിന്നുടെ കളകളനാദമോ
കാര്മേഘവര്ണ്ണാ നിന്‍ കുഴല്‍നാദമോ
കേഴുന്ന രാധതന്‍ മൂകമാം ശോകമോ
കറയറ്റൊരാമമഹൃദയരാഗമോ

ഒരോ വരയിലും ഒരോ വരിയിലും
ഒരോ മൊഴിയിലും ഒരോ ചിരിയിലും
തിരയുവതാരെ, നീയകതാരെ..
തരിക നീ ദര്‍ശനമിത്തിരി നേരം...