"കൊടുത്താല് കൊല്ലത്തും കിട്ടും.!"
ജീവിതത്തിലെ ഏറ്റവും വലിയ നിയമവും സത്യവും പച്ച മലയാളത്തില് പറയാന് ഈ പഴഞ്ചൊല്ലാണ് ഏറ്റവും നല്ലത് എന്ന് തോന്നുന്നു.
"താന് താന് നിരന്തരം ചെയ്യുന്ന കര്മ്മങ്ങള്, താന് താന് അനുഭവിച്ചീടുകെന്നേവരൂ." എന്നതാണ് ഇതേ ആശയം നല്കുന്ന കുറേക്കൂടി പ്രശസ്തമായ പഴംചൊല്ല്. ഇതേ ആശയം ഉള്ള അല്ലെങ്കില് ഇതുമായി ബന്ധപ്പെട്ട ആശയമുള്ള അനേകം പഴഞ്ചൊല്ലുകള് മലയാളത്തില് ഉണ്ട്.
ഇംഗ്ലീഷില് ഇതെ ആശയം പന്കു വെയ്ക്കുന്ന അനേകം പഴഞ്ചൊല്ലുകള് ഉണ്ടെങ്കിലും എനിക്ക് ഏറ്റവും ഇഷ്ടപ്പെട്ടത് ഇതാണ് "Do unto others what you like them to do unto you" നിങ്ങള്ക്കു മറ്റുള്ളവര് ചെയ്തു തരണമെന്നു നിങ്ങള് ആഗ്രഹിക്കുന്ന കാര്യങ്ങള് നിങ്ങള് അവര്ക്കായി ചെയ്യുക.
ഒരു പക്ഷെ മൂന്നാം ക്ലാസിലോ നാലാം ക്ലാസിലോ പഠിക്കുന്ന ഒരു കുട്ടിക്ക് ഇത് കൃത്യമായി അറിയാമെന്നു മാത്രമല്ല അവന് തന്റെ ജീവിതയാത്രയില് ഇതുള്ക്കൊണ്ടു തന്നെയായിരിക്കും ജീവിക്കുന്നതും. എന്നാല് പ്രായമാകുന്നതോടു കൂടി എവിടെവെച്ചാണ് ഈ അറിവുകളൊക്കെ നമ്മേ കൈവിട്ടുപോകുന്നതെന്നു പോലും മറന്നുപോകുന്നു..!
അറിവു കൂടി എന്നു നാം വിലയിരുത്തുന്നതു അന്യനു എത്ര നന്നായി "പാര" വെക്കാം എന്നു സ്വയം പരീശീലിച്ചാണു! ഒടുവില് കൂടെ നടക്കുന്നവനെ അവനറിയതെ എങ്ങനെ 'വലിപ്പിക്കാം' എന്നു പരീക്ഷിച്ചു ബോദ്ധ്യപ്പെട്ടുകഴിഞ്ഞാല് പിന്നെ എല്ലാം തികഞ്ഞവനായി സ്വയം അല്ലെങ്കില് കൂട്ടുകാര്ക്കിടയില് അവരോധിക്കും.
ജീവിത്തിലെ ഒന്നിനുപുറകെ മറ്റൊന്നായി വരുന്ന പ്രശ്നങ്ങളുടെ കാരണം അന്വേഷിച്ചു തലപുണ്ണാക്കുമ്പോഴും പരിഹാരക്രീയകള് ചെയ്യുമ്പൊഴും നമ്മളില് പലരും ഈ 'വലിയ' നിയമം ഓര്ക്കാറില്ല എന്നതാണു വാസ്തവം! എന്നാല് അന്യന്റെ സ്വത്തും സുഖങ്ങളും മോഷ്ടിക്കുമ്പോഴും നശിപ്പിക്കുമ്പോഴും ഇതു നമ്മള്ക്കും ബാധകമാണന്ന് ഈ നിയമം ഓര്മ്മിപ്പിക്കുന്നത്.!
നമ്മുടെ ബുദ്ധിയില് സുരക്ഷവലയം തീര്ത്ത്, തെളിവുകളെല്ലാം നശിപ്പിച്ച് ഏറ്റവും ശക്തരായവരുടെ സഹായം ഉള്ളവരെന്നു സ്വയം ബോദ്ധ്യപ്പെടുത്തുമ്പോള്, നിങ്ങള് കണ്ണില് കാണുന്ന പരിധികള്ക്കപ്പുറം പരിധിയും കണ്ണും ഉള്ളവന് വെച്ച നിയമമാണിതെന്നു മറക്കരുത്! നിങ്ങള് ചെയ്യുന്ന അതേ നാണയത്തില് തന്നെ തിരികെ കിട്ടുമെന്ന് തെറ്റിദ്ധരിച്ചിരിക്കുന്നത് കൊണ്ടാണെന്ന് തോന്നുന്നു പലരും ഈ സത്യങ്ങള് മനസ്സിലാക്കുന്നില്ല . ദൈവം നമ്മുടെ ചെയ്തികള്ക്കു എന്തായാലും ഭൂമിയില് പകരം വെച്ചിട്ടുണ്ടു. "നല്ലതു ചെയ്യുന്നവനു നല്ലതും തിന്മ ചെയ്യുന്നവനു തിന്മയും!"
ഇനിയും പ്രശ്നങ്ങള് നിങ്ങളേ വിടതെ പിന്തുടരുമ്പോള് ഒരു കൊച്ചുകുട്ടിയോടു ചോദിച്ച് ഈ നിയമം പഠിക്കാന് ശ്രമിക്കു.. ശാശ്വതമായ പരിഹാരം തരാത്ത നൂറു പരിഹാരക്രിയകളേക്കാള് എത്രയോനല്ലതാണത്!
(എന്റെ പഴയൊരു ബ്ലോഗില് നിന്നും ഇങ്ങോട്ട് പറിച്ച് നട്ട ഒരു ജീവിതപാഠം..!)